Les auteurs des guides d'escalade corse
Thierry, u parighjinu, hà campatu qualchì tempi in l’alpali di Montpellier nanzu di francà u mari par andà in Aiacciu in 1997.
Bertrand, chì si n’era andatu qualchì anni, volta in 2000. Sicuru chì a Corsica sarà u so campu.
Ghjè drentu l’associu Corsica Roc chì si cunnoscini è sceglini prestu prestu d’invistiscià si insemi. Equipamentu, riequipamentu, smachjera è intratteni di i siti isulani. I dumandi di u publicu sempri più forti è soprattuttu a scrittura di riassunti stranieri ùn ghjustificheghja più l’idea rumàntica di i lochi sicreti. Ma à l’iniziu u prughjettu, avia par scopu di fà una sintesa di l’elementi dati pà i prutagunisti d’ogni righjoni, ùn hà pussutu escia di pettu à una mancanza d’aiutu publichi. Dui anni dopu, i dui cumpagni ripigliani u prughjettu soli soli è investiscini tuttu par fà campà u prughjettu di riassunti di l’alpali di Corsica (Falaises de Corse) chì esci di ghjugnu 2006. Assuciendusi cù a F. F. M. E, Thierry è Bertrand nè anni fattu a terza parta di a guida. I benefizii di a Federazioni sò utilizati pà intrattena l’alpali chì esistani dighjà è dino pà arnisà alpali novi
Sempri sopr’à u terrenu, i dui amichi ricoltani rinsegnamenti è facini una reedizzioni di u riassuntu di l’alpali di Corsica. Accantu Thierry t’hà un prughjettu schisatu da Bertrand. Una sera d’istati 2010, Thierry sbarca ind’è Bertrand incù una buttiglia di pumonti rusulata fresca fresca. A buttiglia è a vighjulenza di Bertrand sminuiscini in furia. Apprufitendu di a situazioni, Thierry cunvinci Bertrand. Sta volta u prughjettu sarà sopr’à i stradoni. U lindumani, Bertrand prumetti di piantà si di beia ma avà hè ora di rimettà sì à travaglià. In sta nova avvintura, a più bella parta, quella di scalà vii scelti, faci svintingà u tempu passatu davanti l’urdinatori. Di Natali 2011, Grandi chjassi di Corsica esci à stessu tempu. U ciucciu, cuncipitu biendu, pari essa una riescita.
Thierry divinta BE di scala è trà u mondu maravigliosu di i munitori di canyon abbrunzati è musculati. L’istati divintani acquatichi è assai uccupati. Bertrand n’apprufitta par scapà vigliaccamenti in u nordu, pinsendu scimamenti ch’ellu era prutettu d’una ricasca. Ma raminteti vi, a Corsica hè a so casa è t’hà difficultà pà ricusà un bichjeru di vinu…
Difatti, à a prima uccasioni, maestru Thierry li dici à pocu pressu :
« O Bertrand à sà, a mundialisaziona ùn hè micca un’astrazzioni è Harstad hè a una ghjurnata d’Aiacciu. Di più a maghjia d’internet abulisci I fruntieri. Incù u teletravagliu poi travaglià comu si tù eri quì l’annata sana è bla bla bla è bla bla bla (comu diceria Greta Thunberg). Si pò creda chì comu in a storia di u cacciadori è di l’orsu, à Bertrand li piaci quantunqui postu ch’ellu hà ricuminciatu.
U ritimu presu : Bertrand volta in Corsica qualchì mesi ogni anni. I reedizioni cuntinueghjani lascendu un pocu troppu di tempu libaru à Thierry chì cumincia u prughjettu d’un Topo-monde… Di furtuna hè Thomas Pesquet chì si n’hè andatu sopra a stazioni urbitali chì s’ellu era Thierry Souchard, ci avaria vulsutu fà un topo-univers ! In tanti, stu prughjettu lascia à Bertrand qualchì anni tranquilli postu chì, pè a prima volta hà riesciutu à scapà ! Ma sarà soprattuttu l’ultima volta.
Difatti, i so vacanzi sì cumpiani incù l’escita di u riassuntu Rock around the world. Imbarca drentu un prughjettu : à cuncipitura d’un bellu riassuntu spezializatu sopr’à Bavella. Chjamatu Bavella – Corsica. Scala scegli.
U prugressu và quant’un signaru in a machja, ùn ci hè nulla chì à pò piantà. L’appiicazioni di scala divintani incunturnevuli è Thierry, in bonu capumachju, dicidi ch’ùn ci voli mancà u trenu. Eccu una nova avvintura, numèrica sta volta, divintata pussibili cù Vertical life è Climbing away. Ma vulendu sempri cumplicà l’affari. In dui anni a prima virsiona di Omega Roc esci. Una bella virsiona ma micca parfetta. Eccu chì esci una siconda virsiona. Quandu si cummincia si sà ch’ùn si cumpierà miccà… seguitarani forsa una terza è una quarta virsiona ecc…
Ci voli sempri scriva a seguita. Ma cù Trè riassunti è un’appiicazioni chì si pò sempri migliurà, l’avveni pari carcu assai.
* Dans son cas le bronzage va du rose tendre au carmin plus soutenu.